નિપાત એટલે શું, નિપાત ના ઉદાહરણ અને નિપાત નો અર્થ. nipat na prakar in gujarati. Nipat in Gujarati.
નિપાત એટલે શું | Nipat in Gujarati vyakaran
નિપાત: જુદા જુદા પ્રકારના વ્યાકરણની ભાષાના શબ્દો સાથે આવી ભાર, નિશ્ચય વગેરે જેવો અર્થ દર્શાવે તેવા ઘટકને નિપાત કહે છે.
નિપાતના પ્રકાર | nipat na prakar in gujarati
નિપાતના મુખ્ય ચાર પ્રકાર પાડી શકાય.
1) ભારવાચક
2) સીમાવાચક
3) વિનયવાચક
4) પ્રકીર્ણ/લટકણિયાંરૂપ
1) ભારવાચક નિપાત: જે પદ વાકયમાં ભારરૂપી અર્થ દર્શાવે તે ભારવાચક નિપાત.
- તેમાં મુખ્યત્વે જ, ય તો, પણ સુધ્ધાં વગેરે જેવા શબ્દોનો સમાવેશ થાય છે.
ભારવાચક નિપાત ના ઉદાહરણ:
- આગળના વળાંકથી તમને રીક્ષા મળી જ જશે.
- તમારેય મારી સાથે આવવું છે ?
- અમે બેય જણ ત્યાં ગયા હતા.
- નરસિંહની ભક્તિ સુધ્ધાં અદ્ભુત છે.
- મારે તો કાલે શાળાએ જવાનું છે.
- અમને તો કોઈ બોલાવતુંય નથી.
- ભક્ત થયા પણ ભક્તિનો અર્થ ન જાણ્યો.
- રાકેશને પણ તમારી સાથે આવવું હતું.
2) સીમાવાચક નિપાત: જે પદ દ્વારા વાકયમાં સીમા અથવા મર્યાદાનો અર્થ અભિવ્યક્ત થતો હોય ત્યારે સીમાવાચક નિપાત આવે છે.
- તેમા મુખ્યત્વે ફક્ત, કેવળ, તદ્દન, માત્ર, સાવ, છેક વગેરે જેવા શબ્દોનો સમાવેશ થાય છે.
સીમાવાચક નિપાત ના ઉદાહરણ:
- આ પેન ફક્ત પંદર રૂપિયાની છે.
- કેવળ રાજેશનું માન રાખવા સુરેશ આવ્યો.
- એક વસ્તુની ખરીદી પર બીજી વસ્તુ તદ્દન મફત.
- તમે ગયા પછી હું સાવ એકલો પડી ગયો હતો.
- માત્ર એક કલાક માટે મને અહીં બેસવા દો.
- મને આ ખુશીની વાત છેક અમદાવાદ પહોંચીને ખબર પડી.
3) વિનયવાચક નિપાત: વિનય, માન, આદરની લાગણી વ્યક્ત થાય તે વિનયવાચક નિપાત કહેવાય.
- તેમાં ‘જી’ જેવા શબ્દનો સમાવેશ થાય છે.
વિનયવાચક નિપાત ના ઉદાહરણ:
- દરેક ગુરુજી વંદનીય હોય છે.
- કાલે શાળાએ સમયસર પધારશોજી.
- અમારી કંઈ ભૂલ હોય તો માફ કરશોજી.
4) પ્રકીર્ણ લટકણિયાંરૂપ નિપાત: વાકયના અંતે આગ્રહ અથવા પરવાનગી વગેરે જેવી લાગણી વ્યક્ત કરવાની હોય ત્યારે પ્રકીર્ણ કે લટકણિયાંરૂપ નિપાત આવે છે.
- ને, કે, તો, એમ કે, ખરો, ખરી, ખરું, ખરાં વગેરે જેવા શબ્દનો પ્રયોગ થાય છે.
- લટકણિયાંરૂપ નિપાતનો પ્રયોગ મોટેભાગે વાકયના અંતે થતો હોય છે.
પ્રકીર્ણ લટકણિયાંરૂપ નિપાત ના ઉદાહરણ:
- તમારી ચોપડી મને આપો ને !
- તું આજે અહીંયા આવ્યો ખરો !
- આ ખુરશી મારા સુધી લંબાવશો કે !
- મને એમનું નામ કહો તો !
- તમે કાલે અહીં આવજો તો ખરા !
- બેટા છાયા, અહીં આવ તો !
- તને એમ કે હું જવા દઈશ !
- આ મારી જ પેન છે. ખરું ને !
- હાશ મારું પરિણામ આજે આવ્યું ખરું !
Read Also: વિશેષણ અને તેના પ્રકાર
| ViralGujarati | Click here |